ЛегионерУз. “Истиқлол”нинг тезлиги ошиб боряпти. Сервер Жепаровдан голли узатма ва жамоасида йирик ғалаба

Чемпионлар Лигасининг кетма-кет 2 та турида 4 очко олиб, ўз гуруҳида етакчи бўлиб турган Сервер Жепаров жамоадошлари, энди Эрон чемпионатида ҳам ёрқин ғалабани қўлга киритди.

38 очко жамғариб, турнир жадвалида иккинчи бўлиб турган “Фулад” уйига борган “Истиқлол”, 4:1 ҳисобида зафар қучди. Беллашувни бошланғич таркибда ўтказган Жепаров 4-дақиқадаёқ шеригига голли узатма берди. Сенегаллик Маме Баба Тиам эса имкониятдан унумли фойдаланди. Мазкур гол теҳронликлар шижоатини оширди. Натижада ҳисоб 18-дақиқадаёқ 1:3 кўринишини олганди.

Жепаров майдонда 75 дақиқа ҳаракат қилди. Кейинроқ германиялик бош мураббий Шефер унинг ўрнига ҳимоявий тактикага ёрдам берувчи футболчини майдонга туширди. 

Фулад Хузестан Rahim Zahivi - 14'

Про Лига - Персидский залив . 24-тур 24/02/2018, 17:30 4 : 1 Тугади

Эстеглал Тегеран Маме Тьям - 4', Рузбех Чешми - 8', Daryoush Shojaeian - 18', Маме Тьям - 90'

45'

90'

14'  Rahim Zahivi

4'  Маме Тьям

8'  Рузбех Чешми

18'  Daryoush Shojaeian

90'  Маме Тьям

Матч-центрда очиш

Мазкур ғалабадан кейин “Истиқлол” турнир жадвалида кучли учликка кириб олди. Бир йўла 5 та жамоа ҳисобида 38 тадан очко бор экани, форс чемпионатидаги кураш ва рақобатнинг қай ҳолатда эканини кўрсатиши мумкин. Аҳамиятли томони, келаси турда дастлабки тўрт ўрин соҳибларини жиддий синов кутиб турибди. “Зоб Оҳан” 1 март куни “Парс Жам Бушеҳр” клуби меҳмони бўлади. Жепаров жамоадошлари эса машҳур “Озоди” стадионида Теҳрон дербисига чиқиб келишади. Рақиб — “Персеполис”.

Championat.asia статистикаси 

Сервер Жепаров “Истиқлол”нинг асосий футболчиси. Рақобат кучли бўлган чемпионатда ҳам, халқаро майдонда ҳам у асосий фигуралардан бири бўлишда давом этмоқда.