Лазизбек Мирзаев: "Жаҳон чемпионати йўлланмасини бизни қўллаб-қувватлаган халқимизга бағишлаймиз"
01 июл 2023 09:08
Янгиликлар

Лазизбек Мирзаев: "Жаҳон чемпионати йўлланмасини бизни қўллаб-қувватлаган халқимизга бағишлаймиз"

Теглар : Лазизбек Мирзаев U-17 Осиё Кубоги

Ўзбекистон U-17 терма жамоаси сардори Лазизбек Мирзаев Таиландда ўтган Осиё кубоги ва Жанубий Корея билан ўйинлар ҳақида фикрлари билан ўртоқлашди.

"Ярим финалда Жанубий Корея терма жамоасига мағлубиятга учрадик. Биз бу турниргача катта йўлни босиб ўтдик. Яхши ўйинлар ўтказдик. Муҳими Жаҳон чемпионатига йўлланма қўлга киритилди. Кичик натижамиз билан барчани табриклайман. Жаҳон чемпионати йўлланмасини бизни қўллаб-қувватлаган халқимизга бағишлаймиз.

Гуруҳ босқичи барибир қийин бўлади. Саудия Арабистонини ютишдан бошқа чорамиз ҳам йўқ эди. Ярим финалдаги Жанубий Кореяни саралашда мағлуб этган эдик. Лекин орадан вақт ўтди, улар ҳам, биз ҳам ўсдик. Бу - футбол",- дейди Лазизбек Мирзаев.

Ҳавола :

Манба : championat.asia

Янгиликларни Телеграмда ўқинг!

Рейтинг: +3