Лаутаро Мартинес дисквалификация қилинди. У “Милан дербиси”ни ўтказиб юборади

Жазо Италия чемпионатининг тартиб-интизом қўмитаси томонидан чиқарилган. 

Гап шундаки, Мартинес 21-тур доирасида ўтказилган “Кальяри”га қарши (1:1) ўйиннинг сўнгги дақиқаларида қоидабузарлиги учун аввалига сариқ, кейин эса шу вазиятнинг ўзида ҳакам билан тортишган учун иккинчи маротаба огоҳлантириб, қизил олди. Шу тариқа, аргентиналик форвард чемпионатнинг бўлажак икки ўйини, яъни, “Удинезе” (2 февраль) ҳамда “Милан”га (9 февраль) қарши беллашувларда иштирок этмайди. 

22 ёшли футболчи жорий мавсум А Серияда 20 ўйинда қатнашиб, 11+3 натижа кўрсатди. Унинг “нерадзуррилар” билан амалдаги шартномаси эса 2023 йилга қадар тузилган.