UZ

Сўнгги янгиликлар

21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  887 20:32Шавкат Мирзиёев Жанни Инфантинога “Дўстлик” орденини топширди  12 20:26Португалиялик мураббий Озарбайжон терма жамоаси бош мураббийлигидан кетди  7 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  9 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  8 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  18 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10 17:02CAFA Nations Cup финалига мезбонлик қилаётган "Олимпия" стадионидан ГАЛЕРЕЯ  9 16:23"Барселона" Фликнинг асосий футболчиларидан бири билан янги шартнома имзоламоқчи  0 15:55Шомуродов ва Файзуллаев ўйнаётган "Истанбул Башакшеҳир" бош мураббийи истеъфога чиқарилди  5 15:35Жанни Инфантино ўзбек спорти раҳбарияти билан ҳамкорликда Олимпия шаҳарчасида бўлди  4 15:11Али Алиев Қозоғистон терма жамоасидаги шармандаликдан сўнг истеъфога чиқди  10 14:25"Манчестер Сити" футболчиси Қозоғистон билан ўйиндан сўнг Дастан Сатпаевни мақтади  7

Ла Лига. "Реал Мадрид" мавсумнинг илк турида очко йўқотди Янгиликлар

Ла Лига. "Реал Мадрид" мавсумнинг илк турида очко йўқотди

Ла Лига 1-тур доирасидаги "Мальорка" — "Реал Мадрид" ўйини якунланди.

"Мальорка" — "Реал Мадрид" 1:1

Гол: 0:1 – 13 Родриго, 1:1 – 53 Мурики.

Мальорка – Грейф, Мохика, Раильо, Вальент, Маффео, Саму Кошта, Маскарель (Копете, 90+3), Дардер (Морланес, 72), Дани Родригес (Санчес, 67), Мурики, Асано (Ларин, 72).

Реал Мадрид – Куртуа, Менди, Рюдигер, Милитао, Карвахаль (Васкес, 87), Беллингем (Гюлер, 88), Тчуамени (Модрич, 63), Вальверде, Винисиус Жуниор (Браим Диас, 88), Мбаппе, Родриго.

Огоҳлантиришлар: Аррасате (45+3), Маффео (45+3).

Четлатиш: Менди (90+7).

МАТНЛИ ТРАНСЛЯЦИЯ

ЯНГИЛАШ

Учрашув якунланди.

90+9. Менди Мурикига нисбатан қўпол ўйнагани учун четлатилди.

90+4. Модричнинг зарбаси анча юқорилаб кетди.

90. Иккинчи бўлимга 5 дақиқа қўшиб берилди.

89. "Мальорка"нинг яна бир хавфли ҳужуми ноаниқ зарба билан якунланди.

87. "Мальорка"нинг ҳисобда олдинга чиқиб олишига бир баҳя қолди. Сўнгги зарбага бироз аниқлик етишмади.

81. Модричнинг зарбасини Грейф ушлаб қола олмади, мезбон ҳимоячилар тўпни тепиб юборди.

79. "Реал Мадрид" бурчак зарбаси ишлаб олди. Модричнинг узатмасини "Мальорка" посбони уриб юборди.

74. "Мальорка" футболчилари Мурикига ҳаводан тўпни етказиш орқали хавф яратишмоқда. Бу сафар "Реал" ҳимоячилари ишончли ҳаракат қилишди.

70. Хавфли вазият! Мбаппенинг чап оёқда йўллаган зарбасини "Мальорка" дарвозабони қайтарган, қайтган тўпга мезбонлар ҳимоячиси улгурмаганда, Родриго бўш дарвозани ишғол қилишга тайёр эди.


68. "Мальорка" футболчисининг кучли зарбасига аниқлик етишмади.

63. "Реал"да ўзгариш: Модрич Тчуаменини алмаштирди. 

62. Хавфли вазият! Мбаппенинг зарбасини "Мальорка" дарвозабони эгаллаб олди.

61. Винисиуснинг чап қанотдан йўллаган зарбаси анча ноаниқ кўриниш олди.

56. Хавфли вазият! Яна Мурики, яна бош билан зарба. Бу сафар Куртуа ишончли ҳаракат қилди.

53. ГОЛ! Бурчакдан узатилган тўпни Мурики бош билан "Реал Мадрид" дарвозасига жойлаб қўйиб, ҳисобни тенглаштирди. 


49. Вальверди катта тезликда рақибидан ўтиб кетиб, Мбаппени олдинга бошлади, бироқ унинг узатмаси ноаниқ кўриниш олди.

46. Иккинчи бўлим бошланди.

Тайм якунланди.

45. Биринчи бўлимга 3 дақиқа қўшиб берилди.

42. Хавфли вазият! Мезбонлар ҳисобни тенглаштириши мумкин эди. Дастлаб Асано, сўнгра Мурики зарба йўллади, Куртуа ва Рюдигер тўпни қийинчилик билан қайтарди.

36. Хавфли вазият! Мадридликларнинг навбатдаги ҳужуми голга аййланишига бир баҳя қолди. Сўнгги лаҳзада мезбонлар Мбаппега келаётган тўпни қайтаришди.

30. Жамоалар чанқоқларини бостириб олишмоқда.

25. Хавфли вазият! Винисиуснинг ажойиб пасидан сўнг Мбаппе тўхтатмасдан зарба йўллади, тўп дарвоза устуни ёнгинасидан ўтиб кетди.

21. Хавфли вазият! Рюдигер узоқ масофадан рақиб дарвозасини нишонга олди, унинг уриниши бироз ноаниқ кўриниш олди.

18. "Мальорка"нинг хавфли ҳужумига якуний зарба берадиган футболчи топилмади.  

13. ГОЛ! Мадридликларнинг комбинацион ҳужумини Родриго муваффақиятли якунлаб, ўтган мавсумдаги сингари клубнинг Ла Лигадаги илк голига муаллифлик қилди. 


9. Винисиус чап қанотдан рақиб жарима майдонига кириб борди ва Мбаппега пас беришга уринди, аммо рақиб ҳимоячилари вазиятни англаб олди.

6. Мбаппе тезлигини намойиш этиб, тўп билан олдинга югурди ва рақиб жарима майдонида йиқилди. Бироқ ҳакам ўйин қоидаси бузилмаганини таъкидлади.

5. Яна бир хавфли зарба! Бу сафар Куртуа рақиб футболчисининг кучли зарбасини қайтарди.

5. Дани Родригес рақиб жарима майдони ичида чап оёқда хавфли зарба йўллади. Тўп Куртуа қўриқлаётган дарвоза ёнгинасидан ўтиб кетди.

1. "Мальорка"нинг дастлабки ҳужумиёқ зарба билан якунланди. Тўп мадридликлар ҳимоячисига тегиб, майдонни тарк этди.

1. Учрашув бошланди.


Жамоалар майдонга чиқиб келишди. "Мальорка" қизил-қора, "Реал Мадрид" оқ рангли либосларда ҳаракат қилади.

Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика