Куман: “Миллатлар Лигаси финалида ўйнаш босим эмас, хуш кайфият бағишлайди”

“Агар турнир бошидан ёдга оладиган бўлсак, биз ўз гуруҳимизда Франция ва Германия билан тўп тепганмиз ва ўшанда ҳеч ким бизни гуруҳда 1-ўринни эгаллашимизни кутмаганди. Финалда тўп тепиш бу босим эмас, аксинча бизга хуш кайфият бахш этади.

Биз Франция, Германия ва Англияни мағлуб этдик. Финалда Португалияни, унинг ҳудудида мағлуб этсак, ажойиб иш бўларди. 

Бизнинг финал учун режамиз бор ва бу “план” рақибда ҳам бўлиши аниқ. Улар ҳимояда кучли ўйин кўрсатишади ва ўз майдонларида тўп тепишмоқда. Бу иккита муҳим жиҳат улар учун муҳим. Биз ўзимизнинг энг яхши ўйинимизни кўрсатиб, рақиб дарвозаси олдида вазият яратиб, голлар уришимиз лозим. Бу финал, унда ҳамма нарса содир бўлиши мумкин”, дея Куманнинг сўзларидан иқтибос келтирмоқда УЕФА расмий сайти.