Круиф Людвийк Дариус: “Ўзбекистонда ишласам ўзимни бахтли ҳис қилардим”

“Биринчи ўринда Ўзбекистонни мақтаб ўтишим керак. Бу фантастик ва кучли футболчиларга эга жамоа. Агар жонингга қасд қилмоқчи бўлсангиз бундай жамоаларга қарши ҳужумда ўйнаш керак. Илк таймда ҳаяжонни енгиб ота олмадик ва мағлуб бўлдик. Иккинчи таймда Ўзбекистон ўйнамади бу бизга қўл келди. Ўзбекистон биздан бир эмас уч калла баланд. Бундай ўйиндан биз дарс олдик. Биз каби ўсаётган давлатлар учун яхши мастер класс эди. Яна бир бор ҳамкасбимни ажойиб ўйин билан табриклайман. Афсуски ўйинда бирон маротаба ҳам ҳужум уюштира олмадик", - дейди Круиф Людвийк Дариус.

- Дастлабки гол ўйинчиларингиз ишончини синдириб юбордими?
- Биринчи голда биз консентранцияни йўқотдик. Уч нафар шогирдим майдонга ётиб қолган футболчига қараб қолди. Айб ўзимизда футбол хуштак чалингунига қадар ўйналади. Бунақа жамоага қарши 100 фоиз консентрация билан тушиш керак. Ўзбекистондан ўрганадиган нарсаларимиз кўп экан. Бу жамоа осийида учинчи ўринда туради. Мен бундай жамоада ишласам ўзимни бахтли ҳис қилган бўлардим.

- Кейинги ўйин ҳақида нима дея оласиз?
- Ўзбекистон Афғонистонни аниқ ютади, биз эса Гонконгга қарши ҳужумкор ўйин қиламиз. Бу уч очко биз учун муҳим. Бугун футболчиларимга кийиниш хонасида улардан Ўзбекистонга қарши туриб берганликларига раҳмат айтдим. Кейинги ўйинга боримизни берсак ғалаба қозона оламиз.

- Ҳамма голлар битта қанотдан кирди 15 дақиқа ичида ҳал бўлди. Ўнг қанотингиз шу қадар кучсизми ёки Ўзбекистонники кучли?
- Ҳамма айб ўзимизда. Ҳимоячи ва дарвозабон ўртасида тушунмовчилик бўлди.


Нодирхўжа Юлдашев
Инчеон