Криштиану Роналду: "Ғалабага ҳақли эдик"
28 окт 2018 00:33
Янгиликлар

Криштиану Роналду: "Ғалабага ҳақли эдик"

"Ювентус" етакчиси Криштиану Роналду А Серия 10-турида "Эмполи" устидан қозонилган иродали ғалаба(2:1)дан сўнг фикрлари билан бўлишди.

"Бу ўйин жуда оғир ўтди. Биринчи бўлимда жамоа чарчоқ ҳолатда ўйнагани билиниб қолди. Учрашувнинг иккинчи ярмида биз рақибга нисбатан яхшироқ ҳаракат қилдик ва ғалабани ҳақли равишда қўлга киритдик. Ушбу ҳафта биз учун аҳамиятли эди. "Манчестер Юнайтед"га қарши "Олд Траффорд"да беллашдик. Кейин эса "Эмполи" билан меҳмонда тўп суришимизга тўғри келди. Асосийси, иккала тўқнашувда ҳам керакли натижани қўлга киритдик, - дея Роналду сўзларини келтиради Sky Sports нашри.

Ушбу баҳсда Роналдунинг дубли Аллегри шогирдларига навбатдаги уч очкони тақдим этди.