Кўзгуда "Ёзёвон" стадиони ФОТО

2015 йилги мавсумда илк бор Ўзбекистон Биринчилиги баҳсларида иштирок этган "Ёзёвон-Лочинлари" жамоаси рақибларини туман марказидаги стадионда қабул қилади.

Ўтган йили ҳам мазкур стадионда бўлгандик, шароитлар билан танишгандик. Айтиш керак, йил аввалида ўйингоҳда эътиборга молик таъмирлаш ишлари олиб борилганига гувоҳ бўлдик. Хусусан, ечиниш хонасига янги жиҳозлар ўрнатилибди. Гарчи ечиниш хонасида бўлмаса-да, футболчиларнинг ювинишлари учун ҳам шароит яратилибди. Қолаверса, янги табло ўрнатилганига ҳам кўзимиз тушди. Фақатгина майдон масаласида бироз эътироз бўлиши мумкин, аммо аввалги йил билан солиштирилганда бу томондан ҳам ўзгаришлар бор. Қолганини ўзингиз суратлар орқали хулоса қилинг. 

Фурқатбек Нишонов