Коутиньо трансферига боғлиқ сир ошкор бўлди

25 ёшли бразилиялик футболчи каталонияликлар билан беш ярим йиллик шартномага имзо чекди. Унга кўра  футболчининг товон пули 400 миллион евро этиб белгиланган.

Каталония  клуби футболчи учун "Ливерпуль"га 120 миллиоен евро (яна 40 миллион евро бонус сифатида) тўлаб беради.

"Барселона" ижтимоий тармоқларга Коутиньони харид қилгани ҳақида видео жойлади.

TAS-IX эмас

Аммо ушбу видео 6 ой олдин тайёрланган экан. Видео кетма-кетликка эътибор берсангиз "Барселона"нинг "Инстаграм"даги саҳифаси Коутиньоникига обуна бўлаётгани акс этган.

Бироқ бразилиялик "Инстаграми"нинг ҳозирги кўриниши умуман бошқача ва суратлар сони ҳам кўп.

Демак, "Барселона" Коутиньони роппа-роса 6 ой олдин харид қилиши керак эди, аммо бу трансфер эндигина содир бўлди.