UZ

Сўнгги янгиликлар

03:00Ла Лига. Яна пенальти, энди Бензема ва "Реал" навбатдаги 3 очкони қўлга киритди  26 02:45Ла Лига. "Реал Мадрид" - "Алавес" 2:0 (Матнли трансляция)  68 00:54Ла Лига. “Реал Сосьедад” мағлубиятдан қочиб қутулолмади  1 00:18“Реал” - “Алавес”: таркиблар маълум  8 00:13“Барса” Лаутаро билан келишиб олди, аммо...  5 23:34Расман: Марсело жароҳат олди ва 2-3 ҳафтани ўтказиб юборади  3 22:49«Манчестер Сити» Чемпионлар лигасидан четлатилмаслиги мумкин  26 21:52"Ювентус" Игуаинни италиялик футболчи билан алмаштиради  12 21:25Златан ўзи ҳақида: "Ибра ҳамон футболда энг яхшиси. У Европа Лигасида ўйнамайди"  17 21:14Ван Бронкхорст: "Барселона"ни Мессисиз тасаввур қилолмайман"  15 21:10"Реал Мадрид"нинг навбатдаги финали ҳақида  18 21:00Гвардиола: "ЕЧЛ қироллари бизни нокаут қилиши мумкин"  37 20:45Балотеллини ортиқча вазн муаммоси қийнаяпти  3 20:22"Барселона" умидли ҳужумчи билан шартнома имзолади   7 20:05Бундеслига. Янги мавсум қачон бошланиши маълум бўлди  0

Koronavirus Info. Наманган вилоятида коронавирусга чалиниш ҳолати қайд этилганлиги билан боғлиқ расмий баёнот Янгиликлар

Koronavirus Info. Наманган вилоятида коронавирусга чалиниш ҳолати қайд этилганлиги билан боғлиқ расмий баёнот

Наманган вилоят Санитария-эпидемиологик осойишталик маркази Наманган вилоятида коронавирусга чалиниш ҳолати қайд этилганлиги билан боғлиқ хабар юзасидан қуйидагиларни расман маълум қилади:

Вилоят Ички ишлар бошқармаси орқали берилган маълумотга асосан коронавирус инфекцияси тарқалган ҳудудлардан келган, яъни коронавирус инфекциясига гумон қилинган шахслар билан мулоқотда бўлганлиги аниқланган 30 нафар Наманган вилоятида яшовчи фуқаролар 2020 йил 24 март куни вилоят юқумли касалликлар шифохонасига карантин кузатуви учун ётқизилди ва барча фуқаролардан вирусология лабораториясига текширув учун намуналар олинди.

Вилоят Санитария-эпидемиологик осойишталик маркази вирусология лабораторияси таҳлил натижаларига кўра, Наманган шаҳрида яшовчи 1 нафар фуқародан олинган намуналарда коронавирус инфекцияси борлиги аниқланди.

Олиб борилган эпидемиологик суриштирувлар жараёнида 1995 йилда туғилган ушбу фуқаро 2020 йил 12 март куни Истамбул-Тошкент ТК-1368 рейси билан Ўзбекистонга келган ҳамда 24 мартгача уй шароитида тиббиёт ходимлари томонидан тиббий кузатувга олинганлиги маълум бўлди. Ушбу фуқаро тадбиркорлик учун Туркия давлатига бориб қайтганлиги аниқланди.

Ҳозирги кунда ушбу фуқаро билан оилавий ва яқин мулоқотда бўлган 11 нафар фуқаролар вилоят юқумли касалликлар шифохонасига жойлаштирилиб карантин кузатувига олинди, шунингдек у билан иккиламчи мулоқотда бўлган 43 нафар фуқаролар махсус жиҳозланган изоляторларга жойлаштирилди. Ҳозирда уларнинг соғлиги малакали мутахассислар томонидан назорат қилиб борилмоқда.

Юқоридаги 54 нафар фуқаролардан вирусологик текширув учун намуналар олинди, ҳозирда лаборатория таҳлиллари давом эттирилмоқда.
Ушбу фуқаро билан мулоқотда бўлганларни аниқлаш бўйича эпидемиологик суриштирув ишлари давом эттирилмоқда. Қўшимча маълумотлар тақдим этилади.

Ҳурматли вилоятимиз фуқаролари! Сизларга телевидение, радио, ижтимоий тармоқлар орқали короновирус тарқалишининг олдини олиш бўйича доимий тавсиялар бериб борилмоқда, биз сизлардан тиббиёт ходимлари томонидан берилаётган маслаҳатларга, тавсияларга амал қилишингизни, зарурат бўлмаган ҳолларда кўчага чиқмасликни, ўзингиз ва оила аъзоларингизда касалликнинг биронта аломати сезилганда хонадонингизга 103 телефон орқали тез тиббий ёрдам шифокорларини чақиришингизни сўраймиз.

Давлатали Қосимов,
Вилоят Санитария-эпидемиологик осойишталик маркази бош врачи ўринбосари


#уйдақолинг

#ваҳимасизкарантин

 

Рейтинг: -12   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг