Бразилия 9 карра Копа Америка ғолиби!
08 июл 02:55
Янгиликлар

Бразилия 9 карра Копа Америка ғолиби!

Копа Америка-2019нинг финалида мезбон Бразилия терма жамоаси Перу билан баҳс олиб бориб, 3:1 ҳисобида зафар қучди.

Учрашувда ҳисоб 15 дақиқада Габриэл Жезуснинг узатмасидан сўнг «пентакампеонлар» форварди Эвертон томонидан очилди. Кейин Паоло Герреро пенальтинидан унумли фойдаланиб, ўртадаги фарқни тиклади. Биринчи бўлимга қўшиб берилган иккинчи дақиқада эса Жезус дарвозани ишғол этиб, мувозанатни яна ўз жамоаси томонга оғдирди. Кейинги бўлимнинг ўрталарида тиниб-тинчимас Жезус перулик футболчига қўполлик ишлатгани учун иккинчи сариқ карточкани олиб, майдондан четлатилди.

Учрашув тугашига оз фурсатлар қолганида эса Ришарлисон 11 метрлик нуқтадан рақиб дарвозасини аниқ нишонга олиб, ўйиндаги якуний ҳисобни белгилади. Шу тариқа, бразилияликлар ўз тарихида 9 маротаба қитъа биринчилигида зафар қучишди. Перу эса учинчи бора финалга чиқиб, илк марта мағлубиятга учради.

Бразилия

Everton - 15', Габриэль Жезус - 45', Ришарлисон - 90'

Copa America Final Stage . final-тур

08/07/2019, 01:00

Тугади

Перу

Хосе Паоло Герреро - 44'

Стадион: Estadio do Maracana, 69968 томошабин

Бош ҳакам: Roberto Tobar

45'

90'

Матч-центрда очиш

Бразилия – Перу 3:1 (2:1, 1:0)

«Маракана».

Голлар: 1:0 – 15 Эвертон, 1:1 – 44, пенальти Герреро, 2:1 – 45 Габриэл Жезус, 3:1 – 90, пенальти Ришарлисон.

Бразилия – Алиссон, Маркиньос, Алекс Сандро, Дани Алвес, Тиаго Силва, Каземиро, Коутиньо (Эдер Милитао, 77), Артур, Фирмино (Ришарлисон, 75), Эвертон (Аллан, 90), Габриэл Жезус.

Перу – Гальесе, Самбрано, Адвинкула, Абрам, Трауко, Флорес, Йотун (Руидиас, 78), Куева, Каррильо (Поло, 86), Тапия (Гонсалес, 82), Герреро.

Огоҳлантиришлар: Габриэл Жезус (30), Тапия (49), Тиаго Силва (53), Самбрано (68), Адвинкула (84), Ришарлисон (90).

Четлатиш: Габриэл Жезус (70).