"Интер" бош мураббийи Антонио Конте даниялик футболчига жамоадаги муҳим ўйинчи сифатида қарамаяпти. Мутахассиснинг фикрича, Эриксен жуда ҳам дангаса ва тўпга эгалик қилмаган пайти етарли даражада ҳаракат қилмайди.
"Интер" раҳбарияти ҳам Контенинг истакларни қабул қилишга ва Эриксен борасидаги таклифларни эшитишга тайёр. Аммо, ярим ҳимоячи борасида ҳали ҳеч ким Италия клуби билан боғланмаган.
Конте "Интер"нинг "Челси" ярим ҳимоячиси Нголо Канте билан шартнома имзолашини хоҳламоқда. Клуб бу учун Эриксен ва Марцело Брозович билан хайрлашишга тайёр.
Эриксен январда "Интер" ўйинчисига айланган ва клуб уни "Тоттенхэм"дан 20 млн евро эвазига харид қилганди. Ўйинчининг шартномаси 2024 йилнинг ёзига қадар амал қилади.
