Конте: "ЧЛга чиқиш – бу "Тоттенхем" учун ҳали бошланиши"

"Тоттенхем" бош мураббийи Антонио Конте Лондон клубида ишлашни давом эттириш истагини билдирди.

"Ўтган мавсум охирида клуб раҳбарияти билан гаплашиб олишим ва улар тўғри қарор қабул қилиши мен учун жуда муҳим эди. Катта мақсадларим бор. Ўйлайманки, ўтган мавсум кучли тўртликдан жой олганимиз биз учун яхши ютуқ, аммо бу ҳали бошланиши", – деди мураббий "Football London" нашрига.

Олдинроқ Контенинг машғулотлари оғир юкламаларга бой тарзда ўтгани учун Сон ҳушидан кетгани ва кўплаб футболчилар ёмон аҳволга тушиб қолгани ҳақида хабар бергандик.