Константин Свиридов — Ўзбекистоннинг 2015 йилдаги энг яхши футзалчиси
11 мар 2016 11:10
Янгиликлар

Константин Свиридов — Ўзбекистоннинг 2015 йилдаги энг яхши футзалчиси

Футзал бўйича Ўзбекистон терма жамоаси ҳамда “Олмалиқ” клуби аъзоси Константин Свиридов Ўзбекистоннинг 2015 йилдаги энг яхши футзалчиси деб тан олинди.

“Олмалиқ” таркибида 2015 йилда Ўзбекистон чемпионига айланган Свиридовга йилнинг энг яхшиси футзалчиси учун махсус соврин Ўзбекистон терма жамоасининг Жаҳон чемпионати йўлланмасини қўлга киритгани ҳамда Осиё чемпионати кумуш медаллари соҳибига айланганлиги муносабати билан ўтказилган тақдирлаш маросими давомида топширилди.

Маълумот учун, Свиридов Тошкентда ўтказилган футзал бўйича Осиё чемпионатида Ўзбекистон терма жамоаси сафида ҳам ажойиб ўйинлар намойиш этди ва терма жамоанинг энг яхши ўйинчиларидан бири сифатида эътироф этилди.