Клопп қайта тикланган машғулотларни мактабдаги биринчи кунга қиёслади

"Тонг ажойиб тарзда бошланди. Мен одатдагидан вақтлироқ уйғондим. Шундай таассурот уйғондики, бу худди менинг мактабдаги биринчи куним.

Бунақаси менда 46 йил олдин содир бўлган, аммо туйғу ўхшаш эди. Мен яна формамни кийдим ва машғулотларга йўл олдим.

Базага келгач, футболчиларни кўриб жуда хурсанд бўлдим. Ҳозирча барча билан кўришмадим, фақат ўнта йигит ва мураббийлар бор эди, аммо бу жуда яхши старт.

Ҳамма яхши кайфиятда. Об-ҳаво гўзал. Базада ҳаммасини тайёрлаб қўйишган экан. Қайтиш ёқимли ва биз бошлашга тайёрмиз.

Мавсумнинг қолган қисми ва кейинги мавсумга тайёргарлик кўриш учун бизга қанча вақт беришларини билмайман, шунисини аниқки, икки мавсум орасида катта танаффус бўлмайди", - дейди Клопп.