UZ

Сўнгги янгиликлар

12:55"Байер" "Манчестер Сити" футболчисига даъвогарлик қилмоқда  0 12:20Ўзбекистон U-17 терма жамоаси футболчисига "Ньюкасл", "Рапид" ва "Страсбур" қизиқмоқда!  4 11:58Рюдигер 4-12 та ўйинга дисквалификация қилиниши мумкин  17 11:30"Манчестер Юнайтед"нинг ёзги трансфер ойнасидаги мақсади маълум  1 10:52Анчелотти ўз антирекордини янгилади  11 10:43"Қўқон-1912" 27 йилдан сўнг бундай натижани қайд этди   1 10:23Кечаги учрашув якунидан сўнг «Реал»нинг яна икки футболчиси қизил карточка олди  26 10:08Иван Бошкович: «Жуда муҳим уч очкони қўлга киритдик»  1 09:52Анчелотти кечаги аламли мағлубиятдан сўнг нималар деди?  8 09:44Флик "Реал" устидан қўлга киритилган ғалабадан сўнг нима деди?   14 09:16Суперлига. Бугун "Пахтакор" - "Шўртан" ва яна 2 та ўйин бор   6 08:20Суперлига. "Қўқон-1912" ва "Сўғдиёна" биттадан гол уриб ғалабага эришди, "Машъал" — "Сурхон" учрашувида эса мухлислар гол кўришмади  0 07:55Испания Кубоги финал. "Барселона" - "Реал Мадрид" 3:2  9 04:25Александр Хомяков: "Аламли мағлубиятни қабул қилиб олдик"  14 04:06Февзи Давлетов: "12 та бурчак зарбаси ижро этди, 20 га яқин зарбалар бердик, аммо вазиятдан фойдаланиш борасида оқсадик"  1

Кичик Достон Турсуновни танийсизми? Янгиликлар

Кичик Достон Турсуновни танийсизми?

Бу ном янграса, бирданига миллий жамоамизнинг "терминатор" ҳимоячиси, Хитойнинг "Чунцин" клуби вакилини эслашингиз табиий.

Аммо тез орада иккилана бошлайсиз. Қуйидаги суратга эътибор қаратинг.

Бу йигитча роппа-роса 21 йил олдин Андижонда туғилган. Унинг ота-онаси ўқимишли одам бўлишини исташарди. Шу туфайли фарзандларини баъзи фанлар чуқурлаштириб ўқитиладиган, ихтисослаштирилган мактабга беришди. 6 йиллик таҳсилдан кейин илм-фанни бизга қолдириб, тўпчи бўлишни танлаган болакай айни пайтда "Олимпик" клуби ва Ўзбекистон олимпия терма жамоаси шарафини ҳимоя қиляпти. Бугун туғилган кунини нишонлаётган Достонбек Турсунов билан кичик суҳбат уюштирдик.


— Достон, қандай қилиб "Олимпик" жамоасига келиб қолдингиз?

— Мен Балиқчи туманида туғилганман. Футболга бошқа тенгдошларимга нисбатан анча кеч кириб келдим. 7-синфга ўтаётган пайтимда Андижондаги футбол лицейига қабул қилиндим. Биринчи мураббийим Ёдгор ака Хурхонов Тошкентдаги мусобақага олиб келгани эсимда. У ерда "Пахтакор"нинг 2001 йилда туғилган тарбияланувчиларини шуғуллантирадиган Станислав Петрович кўрикка келишимни айтган. 1 ҳафталик синовдан кейин "шерлар" таркибига қабул қилиндим. Шу, улғайгандан кейин ўринбосарлар жамоасида ўйнадим. 2021 йилнинг бошида эса Тимур ака "Олимпик" таркибига жалб қилдилар.

— Тимур Кападзенинг бошқа мураббийлардан ажралиб турадиган 3 хислатини айтинг.

— 1. Ўйиндан олдин ҳар бир рақибни чуқур ўрганиб, тўғри тактика танлай олади. 2. Футбол фалсафаси жуда кучли, бу назарий дарсларимизда яққол билинади. 3. Энг майда деталларгача эътибор қилиб, бизга нафақат майдонда устозлик қилади. Балки уйда ва кўчада қандай юриш кераклигини ҳам ўргатади. Эҳтимолий хатоларимизнинг олдини олишга ҳаракат қилади.

— Нима деб ўйлайсиз, "Олимпик" лойиҳаси туғилмаса, бугун қайси жамоа сафида бўлардингиз?

— Бу ҳақда ўйлаб кўрмагандим. 2021 йилнинг аввалида "Пахтакор" Про лигага жамоа қўймоқчи эди. Ўшанда шуғулланиб тургандим. Кейин Тимур акадан таклиф келди.

— 2021 йилги ўйинингиздан кўнглингиз тўлдими?

— Йўқ, чунки яна ҳам ўсишим керак эди. Ўзимдан қониқиш ҳосил қилган куним ўсишдан тўхтаб қоламан.

— "Шўртан" дарвозасига супер гол киритган эдингиз. Ўша баҳс ўтган мавсумдаги энг яхши ўйинингиз бўлдими?

— Менимча, шундай. Лекин алам қиладиган томони ҳам бор. "Жар" стадионида ўтган айнан ўша ўйин трансляция қилинмагани туфайли голни бугун томоша қилолмаймиз.

— U-23 жамоамиз Париж Олимпиадасига йўлланма олса, 2024 йилда ким етакчи бўлади?

— Бу борада айнан бир футболчини ажратиб кўрсатолмайман. Чунки мураббийимиз фақат жамоавий ўйинга эътибор қаратяпти ва шу орқали муваффақиятга эришмоқчи.

— Мухлисларда барча футболчилар катта маош олади ва бой бўлади, деган қараш мавжуд. "Олимпик" ҳам ўйинчиларга катта пул тўлайдими?

— Йўқ, ундай эмас. Бу жамоага пул учун эмас, фақат ўсиш учун келганмиз. Тўланаётган пул ўзимизга етади. Афсуски, сизга унинг миқдорини айтолмайман. Шартномамда бу тақиқланган. Лекин бизда барча ўйинчиларга бир хил ойлик олади.

— Достон, футболдаги энг катта мақсадингиз нима?

— Мақсадлар кўп: Олимпиадада медаль ютиш, мундиалга чиқиш ва Европада ўйнаш. 

— Достон Турсуновнинг камчиликлари ҳақида гапиринг.

— Жисмоний ҳолатимда муаммо бор. Аммо ҳар кун шу камчиликни бартараф қилиш учун ҳаракат қиляпман. Ўзбекистон чемпионатида бу муҳим рол ўйнайди.

— Суҳбат учун ташаккур. Туғилган кунни яхши ўтказинг.

— Эътибор учун сизга ҳам раҳмат. Иложи бўлса, футболдаги дастлабки устозларим Ёдгор ака Хурхонов ва Станислав Петровичга миннатдорчилик билдирмоқчиман.


Қадрли мухлис, ушбу футболчини эслаб қолинг. Яқин йилларда терма жамоамизнинг мудофаа қўрғонидаги Достон Турсуновлар сони 2 тага етиши мумкин. Уларнинг кичигини яна бир бор таваллуд куни билан табриклаб, "Манчестер Юнайтед"да тўп тепишини тилаб қоламиз.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика