Кьеза "Ливерпул"ни А Сериянинг топ клубига алмаштириши мумкин

Қайд этилишича, футболчи билан "Рома" вакиллари боғланган. Римликлар келаси мавсумда Кьезани ижарага олишни режалаштирмоқда.

Федерико Кьеза ўтган ёзда "Ливерпуль" билан меҳнат шартномаси имзолаган эди. Transfermarkt маълумотига кўра, "қизиллар" футболчининг ҳуқуқларини "Ювентус"дан 12 млн еврога сотиб олган.

Италиялик футболчи инглиз гранди сафида 11 та учрашувда майдонга тушиб, 2 та гол урди ва 2 та голли узатмани амалга оширди. "Ливерпуль" ҳозирда АПЛда биринчи ўринда бормоқда.