27 ёшли италиялик вингер бунгача "Ливерпуль"нинг ЕЧЛ қайдномасида йўқ эди.
УЕФА бугун "Ливерпул"нинг Федерико Кьезани ўз сафига қўшиш ҳақидаги аризасини маъқуллади, клуб бу борада узоқ муддатли жароҳатларда алмаштиришга рухсат берувчи янги қоидалардан фойдаланган.
Шу орқали Кьеза "Саутгемптон"га қарши ўйинда хочсимон пайларининг ёрилиши натижасида узоқ муддатга сафдан чиққан Жованни Леонининг ўрнини эгаллади.
Кьеза "Ливерпуль"нинг 30 сентябрь кунги "Галатасарой"га қарши ўйинида иштирок этиши мумкин.
