Кейн "Тоттенхэм" билан шартномасини узайтиришга тайёр

28 ёшли англиялик футболчи Антонио Конте қўл остидаги "шпорлар"нинг ўсишидан мамнун ва клубнинг келаси мавсумда соврин ютишига умид қилмоқда.

"Тоттенхэм" 2021/22 йилги мавсум АПЛ якунига кўра тўртинчи ўринни эгаллади ва Чемпионлар Лигасига чиқди.

Кейн клуб сафида 50та ўйинда майдонга тушиб, 27та гол ва 10та ассист қайд этди. Унинг лондонликлар билан шартномаси 2024 йилнинг июнига қадар мўлжалланган.