Кейн жорий мавсум 5-марта "Бавария"нинг энг яхши футболчиси деб топилди — бу рекорд

Англиялик ҳужумчи май ойида мухлислар овози бўйича ушбу совринни қўлга киритди. Кейн 16% овоз тўплаб, ярим ҳимоячи Конрад Лаймер ва ҳимоячи Альфонсо Дэвисни (ҳар бири 12%) ортда қолдирди.

Май ойида Ҳарри мюнхенликлар таркибида иккита ўйин ўтказди - "Штутгарт" (1:3) ва "Реал Мадрид" (1:2). Биринчи ўйинда у пенальтини аниқ амалга оширган бўлса, иккинчисида голли узатма берди.

30 ёшли футболчи бир мавсумда беш марта ойнинг энг яхши футболчиси совринини қўлга киритиб, клуб рекордини ўрнатди.