UZ

Сўнгги янгиликлар

09:18Сўнгги турларда Алиқуловни захирага "михлаб" қўйган мураббий истеъфога чиқди  0 09:15Виталий Левченко: "Танқид ва босимларни енгиб чемпион бўлдим"  1 08:52Нури Шаҳин: "Биз Аббосни жуда узоқ кутдик"  3 08:24"Башакшехир" устози Элдор Шомуродов ҳақида фикр билдирди  4 08:05МЛС. "Интер Майами" рақибини йирик ҳисобда мағлуб этди ва финалга йўл олди  2 07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  1 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57

"Кетганларга фақат омад тилаймиз" - "Бунёдкор" машғулотидан репортаж + Иван Бошкович билан интервью Янгиликлар

"Кетганларга фақат омад тилаймиз" - "Бунёдкор" машғулотидан репортаж + Иван Бошкович билан интервью

Тошкентнинг "Бунёдкор" жамоаси 10 декабрь санасидан бошлаб ўз қароргоҳида янги мавсумга тайёргарликни бошлади.

Дастлаб жамоа аъзолари иштирокида кичик йиғилиш бўлиб ўтди. Шундан сўнг футболчилар клуб академияси суъний майдонида машғулотларга киришди. Биринчи кунги машғулотларда мураббийлар штабида Сергей Арсланов жисмоний тайёргарлик бўйича иш олиб борди. Маълумот учун, мазкур мутахассис шу йилда Қирғизистоннинг "Дордой" жамоасида 1 ой катта мураббий лавозимида ишлаб қайтганди.  Бу мавсумда асосий таркиб ва ўринбосарлар жамоасида фаолият олиб борган Абдуҳамид Қодиров эндиликда мунтазам равишда Иван Бошковичга яқиндан кўмаклашиб боради. U-21 жамоасига Анвар Раҳимов бош мураббий этиб тайинланди. Анвар Раҳимов бунга қадар U-18 жамоасини бошқараётган эди. 

Абдуҳамид Қодиров бор эътиборини асосий таркибга қаратади ва Иван Бошковичга кўмаклашади. 


Анвар Раҳимов ўринбосарлар билан ишлайди


Таркибдаги ўзгаришларга келсак, аввал хабар берганимиздек клуб Дмитрие Побулич, Францис Нарх, Иброҳим Томива билан хайрлашганди. Фақатгина россиялик легионер Павел Могилевецнинг масаласи очиқ қолганди. Эндиликда ушб футболчи ҳам фаолиятини бошқа жамоада давом эттиради. Куни кеча у жамоани тарк этди. Шунингдек икки нафар дарвозабон Сарвар Каримов ва Зафар Сафоев ҳам жамоа билан хайрлашди. Фарруҳ Икромов кейинги мавсумни "Навбаҳор"да ўтказиши аниқ бўлиб улгурган. 

Йиғиннинг дастлабки босқичида бир қатор футболчилар ҳамда япониялик ва қирғизистонлик легионер кўрикдан ўтмоқда. "Олимпик" дарвозабони Владимир Назаров 2023 йилги мавсумни "Бунёдкор" сафида бошлайди. 


Владимир Назаров "Бунёдкор"да



Машғулотлар якунига етгач бош мураббий Иван Бошковичнинг йиғин ва тайёргарлик жараёни бўйича фикрлари билан қизиқдик. 


— Тайёргарлик секин-аста босқичма-босқич олиб бориш режалаштирилган. Шу жараёнда машғулотларда тезликни ҳам қўшиб борамиз. Энг муҳими йиғилдик. Асосий эътибор академиямиз тарбияланувчилари ва ёш футболчиларга қаратилади. 2-3та яхши хорижлик футболчилар ҳисобига таркибни бироз кучайтиришимиз мумкин. 3та футболчи кўрикда бўлиб турибди. 

"Бунёдкор" исталган рақибга қарши фақат ғалаба учун майдонга чиқади. Мақсадимиз доим юқори бўлиб қолаверади. 


— Кетган футболчиларнинг барчасига омад тилаймиз. Кимлардир ўзи кетишни истади, яна айримлар билан шартнома узайтирилмади. Умарали Раҳмоналиевнинг биз билан шартномаси тугаганди. Бизнинг тарбияланувчимизнинг хорижда тўп тепиши ёқимли албатта. Ўзбекистон учун фойда келтиради, деб ўйлайман. 

Вазиятга қараб хорижда йиғин ўтказишимиз эҳтимоли йўқ эмас. БАА ёки Туркия яқин кунларда аниқ бўлади, деб ўйлайман. 

Муаллиф : Iskandarov Abdulaziz
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика