Кэрни Чуквуэмеки фаолиятини Бундеслигада давом эттиради

Лондон клуби футболчини "Боруссия Д"га сотишга рози бўлди. Трансфер нархи 25 миллион еврони ташкил қилади. Футболчининг ўзи эса жамоа билан 5 йиллик шартнома имзолайди.

Кэрни Чуквуэмеки бугун тиббий кўрикдан ўтади ва яқин кунлар ичида трансфер расман эълон қилинади. 

Маълумот учун, "Челси" Кэрни Чуквуэмекини 2022 йилда "Астон Вилла"дан сотиб олганди. Футболчи ўтган мавсумнинг иккинчи ярмини "Боруссия"да ўтказди. У немис клуби сафида 17 та учрашувда майдонга тушиб, 1 та гол уришга эришган.