UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"Кенгурулар" билан тўртинчи тўқнашув Ўзбекистонга 5-мундиал эшикларини очадими? Бир қадам ташланса бас Янгиликлар

"Кенгурулар" билан тўртинчи тўқнашув Ўзбекистонга 5-мундиал эшикларини очадими? Бир қадам ташланса бас

U-20 Осиё кубоги гуруҳ босқичи якунларига кўра Ўзбекистон чорак финалда Австралия билан тўқнаш келадиган бўлди.

Тўғри рақиб кучли, жисмонан бақувват футболчиларга эга. Аммо айнан шу ёш тоифасида аввал ҳам 3 маротаба учрашганимизни, уларнинг ҳеч бирида "кенгурулар" бизни енга олмаганини кўришимиз мумкин. Қуйида ушбу учрашувларнинг натижалари билан танишамиз. 

ОФКга ўтганига эндигина 2 йил тўлган Австралия 2008 йилги ёшлар ўртасидаги Осиё кубогида гуруҳ босқичида рўбарў келган. Мусобақада ёрқин ўйин кўрсатган Шерзод Каримов 37-дақиқада ҳисобни очган, 48-дақиқада  Жеймс Родней ҳисобни тенглаштирган. Ўзбекистон якунда финалгача етиб борган, Австралия ярим финалда БААга 0:3 ҳисобида енгилган. 


2008 йил. Саудия Арабистони. 

"D" гуруҳи. 2-тур. 

Ўзбекистон - Австралия 1:1

Голлар: Шерзод Каримов 37 - Жеймс Родней 48

Ўзбекистон: Дониёр Усмонов, Шерзод Аъзамов, Дилёрбек Ирматов, Мурод Холмуҳаммедов, Ислом Тўхтахўжаев, Ойбек Қиличев, Фозил Мусаев, Суннатилла Мамадалиев, Жасур Ҳасанов, Шерзодбек Каримов, Кенжа Тўраев

U-20 тоифасида Австралия билан йўлларимиз 2014 йил Мьянмар мезбонлигидаги Осиё кубогининг гуруҳ босқичида кесишган. Ўшанда айнан ҳозирги Равшан Хайдаров бошқарган терма жамоамиз гуруҳ босқичининг сўнгги турида "яшил" қитъа вакиллари билан тўқнашган. 66-дақиқада Стефан Маук жамоасини олдинга олиб чиқади, онлайн жадвалда Австралияда 7, Ўзбекистонда  4 очко. Лекин умидни сўндирмаган терма жамоамиз 82-дақиқада Забиҳилло Ўринбоевнинг голи эвазига мувозанатни тиклайди. Якунда Ўзбекистон 5 очко билан тўплар нисбатига кўра гуруҳдан иккинчи ўрин билан чиқади, Австралия эса уйига равона бўлади. 

2014 йил. Мьянмар. 

"B" гуруҳи. 3-тур. 

Ўзбекистон - Австралия 1:1

Голлар: Забиҳилло Ўринбоев 82 - Стефан Маук

Ўзбекистон: Дилшод Ҳамроев, Акрамжон Комилов, Иброҳим Абдуллаев, Достонбек Турсунов, Хуршид Ғиёсов, Жавоҳир Соҳибов, Жамшид Болтабоев, Отабек Шукуров, Элдор Шомуродов, Достобек Ҳамдамов, Забихилло Ўринбоев

Австралия билан ёшлар миқёсидаги охирги баҳс 2016 йил Бахрайнда бўлиб ўтган U-19 Осиё кубогида кечган. Жасур Абдураимов устозлик қилган терма жамоа "D" гуруҳида иккинчи турдаги баҳсда ҳамюртларимизнинг қўли баланд келган, 3:2. Голларга Бобир Абдихолиқов, Достон Ибрагимов (2та) муаллифлик қилган. 

2016 йил. Бахрайн. 

"D" гуруҳи. 2-тур. 

Австралия - Ўзбекистон 2:3

Голлар: Юллей Лиам 63, Жорж Блаквуд 90+3  - Бобир Абдихолиқов 29, Достон Ибрагимов 40, 46

Ўзбекистон: Умиджон Ҳамроев, Хожиакбар Алижонов, Исломжон Қобилов, Хушнудбек Авилов, Азизжон Ғаниев, Жасурбек Яхшибоев, Бобир Абдихолиқов, Шароф Муҳитдинов, Ойбек Рустамов, Жамшид Юсупов, Достон Ибрагимов

Шу кунгача Австралияга қарши майдонга чиққан ёшларимиз 2 бор дуранг, 1 бор ғалаба қозонган. Эртанги ғалаба бу ёқимли анъанани давом эттирибгина қолмай, Ўзбекистон учун бешинчи маротаба кичик мундиал эшикларини очади. Қизиғи шуки, Ўзбекистон U-20 Жаҳон чемпионатида охирги маротаба 2015 йил Равшан Ҳайдаров бошчилигида қатнашган. Мураббий бу ишни яна бир бор уддалаши талаб этилади. Барча нарса бор. Ҳамюртларимизга машаққатли вазифада омад тилаб қоламиз. 

Маълумот учун, Ўзбекистон - Австралия учрашуви 11 март куни 19:00да "Бунёдкор" стадионида ўтказилади.  

Муаллиф : Iskandarov Abdulaziz
Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика