Кечаги кун қаҳрамонлари. ФОТО

Биз кеча ўзини кўрсатган қаҳрамонлар билан таништирамиз.

"Манчестер Сити" - "Суонси" 2:1
Қаҳрамон: Учрашувнинг сўнгги дақиқаларида меҳмонлар ҳисобни тенглаштирганида барча "Сити" яна юта олмайди деб ўйлай бошлади. Бироқ Яя Туренинг ажойиб зарбасидан сўнг "шаҳарликлар" ғалабага эришишди. 

"Борнмут" - "Манчестер Юнайтед" 2:1
Қаҳрамон: Ўтган турда "Челси"ни таслим қилган "Борнмут" бу сафар МЮни таслим қилди. Ўйиндаги ҳисобни Жуниор Станислас очди. У бурчак тўпидан тўпни тўғри дарвозага йўллади ва Де Хеани ожиз қолдирди.

"Дармштадт" - "Герта" 0:4
Қаҳрамон: Тажрибали Ведад Ибишевич бу турда "Дармштадт" билан баҳсда дублга эришди ва Саломон Калуга голли пас оширди.

"Байер" - "Боруссия М" 5:0
Қаҳрамон: Кун қаҳрамони мексикалик Хавьер Эрнандес бўлди. Чичарито ўтган турда "Бавария"ни таслим қилган Менхенгладбахнинг "Боруссия" клуби билан баҳсда 13 дақиқа ичида 3та гол  уришга эришди.

"Удинезе" - "Интер" 0:4
Қаҳрамон: Аргентиналик Мауро Икарди "Удинезе" билан баҳсда ўз ҳисобига иккита гол ёзиб қўйишга эришди.

"Барселона" - "Депортиво" 2:2
Қаҳрамон: "Барселона" бу турда ҳам юта олмади. Бунда "Депортиво" ярим ҳимоячиси Лукас Переснинг хиссаси катта бўлди. У жамоаси 0:2 ҳисобида ютқазаётганида гол уриб ҳисобни қисқартирди. Сўнгги дақиқаларда эса унинг пасидан сўнг Алехандро Бергантиньос тўп киритиб ҳисобни тенглаштирди - 2:2.

"Севилья" - "Спортинг Х" 2:0
Қаҳрамон: Мезбонлар ҳужумчиси Кевин Гамейро захирадан майдонга тушиб дубль расмийлаштиришга муваффақ бўлди.