"Канте трансфери учун Эрдўғанга раҳмат". "Фенербахче" президентидан кутилмаган баёнот

Аввалроқ ҳужжатлар билан боғлиқ муаммолар сабаб бу трансфер бекор бўлгани айтилган эди. Бироқ вазият ижобий томонга ўзгарган кўринади.

Садеттин Сараннинг баёноти:

"Клубимиз жаҳон футболининг энг муҳим юлдузларидан бири Нголо Канте трансферини муваффақиятли якунлади. Ушбу жараёнда бизни қўллаб-қувватлагани ва Туркия футболи ривожига қўшган ҳиссаси учун шахсан ўз номимдан ва клубимиз номидан Президентимиз Режеп Тайип Эрдўғанга чуқур миннатдорчилик билдираман.

Шунингдек, бизга куч ва мотивация бериб турган "Фенербахче"нинг буюк мухлисларига ҳам раҳмат айтаман. Энди майдонда курашиш ва ғалаба қозониш вақти келди", — деди Саран.

Шу тариқа, Саудия Арабистонининг "Ал Иттиҳод" жамоасини тарк этган Канте фаолиятини Туркия чемпионатида давом эттирадиган бўлди.