Каннаваро Польша термаси бош мураббийи бўлиши мумкин
31 дек 2021 23:56
Янгиликлар

Каннаваро Польша термаси бош мураббийи бўлиши мумкин

Польша футбол уюшмаси мамлакат терма жамоаси бошқаруви учун Фабио Каннаваронинг номзодини кўриб чиқмоқда.

Каннаваро бунга қадар Осиёда ишлади: "Ал-Аҳли", "Гуанчжоу Эвергранде", "Ан-Наср», "Тяньцзинь" жамоалари, шунингдек, Хитой термасини бошқарди. 2018 йили "Эвергранде" билан мамлакат суперкубоги, 2019 йили эса чемпионликни қўлга киритди.

Маҳаллий матбуот нашрларининг хабарига кўра, Польша ФУ Дик Адвокат, Юрген Клинсманн, Авраам Грант, Адам Навалка, Чеслав Михневич каби мутахассисларнинг номзодларини кўриб чиққан.

Яқиндагина термани бошқараётган Паулу Соуза терма билан шартномасини бекор қилиб, "Фламенго" бошқарувини қўлига олганди.

Ҳавола :

Манба : Interia Sport

Янгиликларни Телеграмда ўқинг!

Рейтинг: +1