Камолов: "Мен урган гол жамоага 3 очко олиб келганидан хурсандман"
05 мар 2023 21:49
Янгиликлар

Камолов: "Мен урган гол жамоага 3 очко олиб келганидан хурсандман"

Тожикистон ва Уммон терма жамоалари тўқнаш келган ўйиннинг энг яхши футболчиси Амадоний Камолов ўйин ҳақида фикрлари билан бўлишди.

- Ўйин ҳақида фикрларингиз?

- Ўйин қийин бўлди, кўп меҳнат қилдик ва ғалабага эришдик. Бизни қўллаб-қувватлаб турган барчага миннатдорчилик билдираман.

- Учрашувда энг яхши ўйинчи бўлганингиз билан табриклайман, кейинги учрашувга қандай тайёргарлик кўрмоқчисизлар?

- Раҳмат, биз кейинги учрашувда энг яхши ўйинмизни намойиш этишга ҳаракат қиламиз. Йигитларда катта мотивация бор.

- Ўйинчилар кўп ҳолатларда хавфли вазиятлардан фойдалана олишмади, агар сиз гол урмаганингизда, натижа иккала жамоа учун ҳам қониқарсиз бўлар эди. Шу ҳақида фикрингиз?

- Кўп вазиятларни кўкка совурдик, лекин бита вазиятда гол урдик ва мен урган гол жамоамга уч очко олиб келганидан хурсандман.

Ҳавола :

Манба : championat.asia

Янгиликларни Телеграмда ўқинг!

Рейтинг: -1