UZ

Сўнгги янгиликлар

12:44"Реал"нниг икки футболчиси "Барселона" қарши ўйинни ўтказиб юборади  1 12:25Рой Кин: "Рэшфордни тўхтатиб қолишнинг деярли имкони йўқ"  1 11:46Асилбек Алиев — ФИФА эътирофида  17 11:23Анчелотти: "Гюлерга курашларда куч етишмаяпти"  6 10:45Пролига. Бугун 4-турга старт берилади  0 10:12Винисиус «Реал»даги келажагига бир қарор келди  2 09:40«Ал Насср» африкалик футболчига 100 миллион таклиф қилишга тайёр  5 09:06«Реал»нинг икки футболчиси кеча жароҳат олди ва «Барселона»га қарши ўйнамаслиги мумкин  13 08:37Кевин Де Брюйнега АПЛнинг бешта клуби қизиқиш билдирмоқда  5 08:12Алиқулов Туркия чемпионатининг 32-тур рамзий терма жамоасидан жой олди  2 07:41Педру Морейра: "Биз мусобақа ва рақибни ҳурмат қиламиз"  0 07:10 АПЛ. "Арсенал" навбатдаги учрашувида дуранг ўйнади. "Ливерпул"нинг чемпионлигига бир очко қолди  8 03:35Ла Лига. "Реал Мадрид" меҳмонда "Хетафе"ни мағлуб этди  17 03:26Нодир Абдураззоқов: "Бундай ғалабани ҳеч қаердан топиб бўлмайди"  5 03:23Авазбек Ўлмасалиев: "ОКМК учун камбэк янгилик эмас, бу "Реал" каби одатий ҳолга айланган"  13

Камолиддин Тожиев: "Бугун бизнинг кунимиз эмас экан" Янгиликлар

Камолиддин Тожиев: "Бугун бизнинг кунимиз эмас экан"

Ўзбекистон Кубоги ярим финалида "Навбаҳор"дан учралган мағлубиятдан кейин "Пахтакор" ёрдамчи мураббийи Камолиддин Тожиев матбуот анжуманида иштирок этди.


- Тўртта бўлимда ҳам ўйинни назорат қилдик, яхши ўйнадик, вазиятлар яратдик. Бироқ яхши ўйин учун ғалаба берилмайди, гол урмасак ютиб бўлмайди. Пенальтилар сериясига келадиган бўлсак, бу ёғи лотерея. Бугун бизнинг кунимиз эмас экан.

- Серияда кимлар зарба беришини мураббий ҳал қиладими?

- Ким тайёр бўлса, ўша тепади. Аввало ўзларидан сўраймиз ва кейин ўзлари нечинчи бўлиб тепишларини айтишади.

- Жамоа бугун яхши ўйин кўрсатди ва кўплаб вазиятларга эга бўлди. Мавсум давомида жамоада реализацияда муаммолар бўлаётганини кўряпмиз. Хўш, бу муаммони тўғрилаш учун қанча вақт кетади?

- Буни устида ишлаш керак. Фақатгина машғулотлар орқали ҳал қиламиз. Бошқача йўл йўқ.

- Бугун Кими Мерк қайдномада бор эди. Бироқ у трибунадан ўйинни томоша қилди. Бунга сабаб нима?

- У ўзида ноқулайлик ҳис қилди. Оёқ мушакларини тортиб олганди. Шу сабабли унга дам бердик. Ҳали у термага бориши керак.

- Яхши ўйин учун миннатдорлик билдирамиз. Мағлубиятнинг сабабини нималарда деб ўйлайсиз?

- Бугун бизнинг кун эмасди. Барча ишни қилдик, вазиятлар яратдик, ўйинни назорат қилдик.

- "Пахтакор" бош мураббийи Максим Шацкихга Ўзбекистон Суперкубоги ўйини олдидан ҳам пенальтилар бўйича савол берганида, у пенальтиларга ишлашдан маъно йўқлигини, барчаси омадга бориб тақалишини айтганди. Сўнгги бир неча совринларини пенальтилар орқали бой бериб қўйган "Пахтакор"да ёки бир неча турнирларда пенальтилар орқали мағлуб бўлган термаларимизда бу муаммони ҳал қилиш мумкинмикин?

- Барчаси руҳиятга боғлиқ. Машғулотлардан кейин йигитлар пенальтилар, жарималар устида ишлашади. Менимча, руҳиятга боғлиқ. Йигитлар бунинг устида ишлаши керак.

- "Пахтакор" кубокдан чиқиб кетганидан кейин ОЧЛ учун имкониятлари пасайди. Чемпионатда яққол лидер бор. Клуб келаси мавсумда жамоанинг халқаро майдонсиз қолиб кетишидан қўрқмайдими?

- Йўқ, унақаси бўлмайди. "Пахтакор" ҳар доим халқаро майдонда бўлади ва олдига чемпионлик мақсадини қўяди. Ҳали олдинда ўйинлар жуда кўп. Олдиндан бирор нима деб бўлмайди.

Рейтинг: -13   

Фикрлар

championat.asia
< сўнгги янгиликларни кўриш
Яндекс.Метрика