Кальдерон: “Барселона”даги вазият – “Реал” учун нохуш хабар”

“Примерода “Барселона” сингари жамоанинг бўлиши жудаям муҳим. Бу “Реал” учун энг жиддий рақиб. Ҳар иккала жамоанинг ўзаро рақобати, тўқнашуви уларни янада кучлироқ қилади. Илгари Месси ва Роналду ўртасида кураш кечарди. Улар “Барселона” ва “Реал” сафида тўп тепиб, дунёнинг энг кучли футболчисига айланишди. Айнан ушбу қарама-қаршилик уларни кўпроқ соврин ютишга, бир биридан устунроқ бўлишга ҳаракат қилишига замин яратди. 

Клублар доимо совринлар учун курашишади. Шундай бўлиши ҳам керак. Айни пайтда “Барселона”  қийин даврни бошидан кечирмоқда. Назарий жиҳатдан олиб қараганда, рақибингнинг кучсизланиши, қийинчиликни бошидан кечириши сен учун қайсидир маънода яхши. Аммо бундай вазиятда эмас. “Барселона” катта клуб ва у “Реал” учун душман эмас. Биз клуб раҳбарияти билан доим дўстона муносабатда бўлиб келганмиз. “Барселона”даги ҳозирги вазият “Реал” учун ёмон янгилик”, дея Кальдероннинг сўзларидан иқтибос келтирмоқда Goal.com.