Жон Терри "Манчестер Юнайтед"даги ҳолат бўйича қандай фикрда?

"Моуриньонинг қўл остида ҳар доим ажойиб футболчилар бўлган. Ҳозир эса МЮда ҳам шундайлар борлигига ишончим комил эмас. Жозе мавсумолди машғулотларидан бирида мени уялтирганди. У тўпни тўхтатиб, планшетни ташлаб, менинг олдимга келиб: "Агарда яна бир марта тўпни йўқотадиган бўлсанг, сени 50 млн еврога бошқа жамоага сотиб юбораман", деганди.

Шундан кейин ҳар бир учрашувда жонимни бериб қатнашардим. Моуриньо нима қилаётганини билади. Шу боисдан ҳам биз яхши ўйин кўрсатганмиз. У Лэмпард, Дрогба, Баллак, Коул каби футболчилар билан бирга ишлаган. Ўшанда барча футболчилар Моуриньо томонда эди ва барча унинг айтганини қиларди. Ҳозир эса у шошилиши керак. Йўқса, "Манчестер Юнайтед" кучли тўртликка ҳам кира олмайди", - деди Терри.