Жон Стоунз: "Арсенал"га қарши ўйин учун мухлислардан кечирим сўрайман"

"Бу оғир. Ўйлашимча, ҳаммамиз ҳам мағлубиятни қабул қилишимиз қийин. Бундай баҳсдан кейин барчасини сўзлар билан ифодалаб бериш мушкул вазифа. Стадионга, бизни қўллаш учун келган, мухлислардан узр сўрайман.

Охирги 30 дақиқада кўрсатган ўйинимизни оқлаб бўлмайди. Алоҳида ҳар бир футболчини олсак ҳам, жамоавий олганда ҳам бу — биз эмасмиз. Бу сен билган жамоанг эмаслигини кўриб туриб ҳамда сен ҳам унинг бир қисми эканлигинг, сенинг ҳам ҳиссанг борлигини билиш — ёқимсиз. "Арсенал"ни ғалаба билан табриклайман, уларга тан бермай илож йўқ. 65 дақиқа давомида биз сифатли футбол кўрсатдик. Биз ўйинда эдик ва барчаси исталган томонга ўзгариб кетиши мумкин эди. Аммо вазият биз истагандек тус олмади", - деди Стоунз.