Жиямуродовдан маҳорат сабоқлари
28 май 2018 14:04
Янгиликлар

Жиямуродовдан маҳорат сабоқлари

“Насаф” жамоаси муваффақиятларига ўзининг муносиб ҳиссасини қўшган тажрибали ярим ҳимоячи Жаҳонгир Жиямуродов айни пайтда жароҳатларини даволаш билан овора.

Шунга қарамасдан у вақтини бекорга ўтказаётгани йўқ. Бўш вақтини ёш футболчилар орасида ўтказмоқда. Жумладан, Гулистон шаҳар болалар-ўсмирлар спорт мактаби маъмурияти ташаббуси билан ўтказилган маҳорат сабоқларига Ж.Жиямуродов таклиф этилди. Тадбир давомида у майдонда тўп билан муомала қилиш санъатини амалда кўрсатди. Шунингдек, ёш футболчиларнинг саволларига жавоб қайтарди ва ўзининг биринчи устозлари, миллионлар ўйинига қай тарзда кириб келгани, профессионал футболда эришган ютуқлари ҳақида гапириб берди.

Яна бир янгилик. Куни кеча Ж.Жиямуродов оиласида янги меҳмон дунёга келди. Ўғил фарзандга Алиакбар дея исм қўйилди. Фурсатдан фойдаланиб Алиакбарга узоқ умр, сиҳат-саломатлик тилаб қоламиз.