"Женоа"нинг янги базасини кўрдингизми?

Шундай қилиб "Женоа" ҳам Европа стандартларига мос замонавий қароргоҳга эга бўлди. Ушбу базага "Женоа" сафида 1988 йилдан 1995 йилгача ўйнаб клуб афсонаси даражасига кўтарилган Жанлука Синьорини номи берилди ва Gianluca Signorini Sports Center деб номланади.

Базада барча шароитлар мужассам. Стандарт майдон, унинг ёнида машғулотлар учун мўлжалланган кичикроқ майдон, ёғоч ўймакорлиги асосида ишланган тренажёр зал, бассейн, видео таҳлил хонаси ҳамда футболчилар учун ётоқ жой. Қароргоҳга кириш деворлари "Женоа" либоси рангларида - қизил ва кўкка бўяб чиқилган. Бундан ташқари бу ерда болакайлар учун алоҳида кичкина майдонча ҳам бор.

Маълумот учун, "Женоа" Италиядаги энг ёши катта тўртта клубдан бири ҳисобланади. Жамоанинг ёши 127да. Энди ҳамюртимиз Элдор Шомуродов ҳам мана шу базада бўлажак баҳсларга ҳозирлик кўради.

Биласизми? Шомуродов Италия А сериясида ўйнайдиган иккинчи ўзбекистонлик футболчи бўлади