3-ўрин учун баҳсда Хорватия ТЖ Марокаш билан тўқнаш келади. Мазкур учрашув Тошкент вақти билан 20:00 да “Халифа Миллий” стадионида бошланади. Уни қатарлик Абдураҳмон Ал Жассим бошчилигидаги ҳакамлар бригадаси бошқариб боради.
Эслатиб ўтамиз, хорватлар 2-маротаба бронза медали учун баҳсда иштирок этишади. 1998 йил Хорватия 2:1 ҳисобида Нидерландияни енгиб, 3-ўринни қўлга киритган. Шу билан бирга мазкур терма жамоа 2018 йил Россиядаги мундиал финалида Францияга (4:2) имкониятни бой берганди. Марокаш эса совриндорлар қаторидан жой олган биринчи Африка термасига айланиши мумкин.
