O'zbekiston terma jamoasi Toshkentda Xitoyga qarshi bahs olib borib Marat Bikmaev va Otabek Shukurovning gollari evaziga 2:0 hisobida zafar quchdi.
Janubiy Koreya esa Eron mehmoni bo'lib 0:1 hisobida yutqazdi. Qatar o'z maydonida Suriyani shu hisobda mag'lub etdi.
To'rtta turdan so'ng 10 ochko to'plagan Eron guruh peshqadami bo'lib turibdi. O'zbekiston hisobida 9 ochko mavjud. Keyingi o'rinda 7 ochko to'plagan Janubiy Koreya bormoqda.
5-tur o'yinlari 15 noyabr kuni bo'lib o'tadi. Shu kuni O'zbekiston Janubiy Koreya mehmoni bo'ladi.
Xitoy Qatar bilan, Suriya Eron bilan kuch sinashadi.
