Жамшид Саидов: "Ғалаба ҳар доим ёқимли"

Ўйин ҳақида

- Иккинчи даврани ғалаба билан бошлаганимиздан хурсандмиз. Оғир ўйин бўлди. Йигитларга характер учун раҳмат айтаман. Олдинда яна 12та ўйин бор, ҳар бир ўйинда сифатли ўйин кўрсатиб, мухлисларимизни хурсанд қилишга ҳаракат қиламиз.  

- Кубокда "Машъал" билан ўйиндан сўнг Сиз "Қизилқум" Суперлига иккинчи даврасини Самарқанда ўтказади деб айтгансиз. Лекин бу жараён амалга ошмади, сабаби нима?

- Футболда шу каби кутилмаган ҳолатлар ҳам учраб туради. "Динамо" стадионида "Сурхон" уй ўйинларини ўтказиши маълум қилинди. Нима ҳам дердик, тартиб-қоидага асосланган ҳолда футбол ўйнаймиз.  Бизда Қаршидаги стадион уй ўйингоҳидек қадрдон бўлиб қолди.

- Ўйин давомида Илҳом Ваҳобовга қаттиқ эътироз билдирдингиз. Шуни изоҳини берсангиз...

- Ўйин ҳароратида бўладиган жараён бу. Биз мураббийлар штаби билан аниқ режа асосида ишлаймиз. Шу сафар ўхшамади.

- "Бунёдкор" сизнинг жамоангиз учун қулай рақиб бўлиб қолаяптими?

- Ўша статистикани мен ҳам кўрдим. "Бунёдкор" бу - тўғриси, буюк клуб. Жамоа ўз номига, ўз мақомига мос бўлиши керак.