Жамолиддин Раҳматуллаев: "Испанияга қарши ўйин финалга тенг ҳисобланади"
14 ноя 2023 16:48
Янгиликлар

Жамолиддин Раҳматуллаев: "Испанияга қарши ўйин финалга тенг ҳисобланади"

Ўзбекистон U-17 терма жамоаси бош мураббийи Жамолиддин Раҳматуллаев Испанияга қарши ўйин олдидан ўз фикрлари билан ўртоқлашди.

"Канадага қарши ўйин жуда муҳим эди. Биринчи учрашув бизга аталмаганди. Кечаги баҳсда эса шогирдларим борини беришди.

Гарчи мундиал финали сари йўл узоқ бўлса-да, Испанияга қарши беллашув ҳам финалга тенг. Шу боис, биз учун ҳар бир ўйин финалдан олдинги финал ҳисобланади.

Испания дастлабки икки баҳсда ғалаба қозонди. Бироқ ҳар бир жамоанинг ўзига хос заиф томонлари мавжуд. Шундай экан, рақибнинг кучли ва заиф томонларини ўрганамиз. Ишончим комилки, бўлажак беллашувда ғалаба қозонамиз", – деди Раҳматуллаев.

Эслатиб ўтамиз, "B" гуруҳи 3-туридан ўрин олган Ўзбекистон – Испания учрашуви 16 ноябрь куни 14:00 да бошланади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +11