Жамол Белмади: "Бугун кучли бўлганимиз учун ғалаба қозондик"
20 апр 2016 21:10
Янгиликлар

Жамол Белмади: "Бугун кучли бўлганимиз учун ғалаба қозондик"

ОЧЛ 5-туридан ўрин олган "Бунёдкор" - "Лаҳвия" учрашувидан (0:2) кейинги матбуот анжуманининг биринчи қисмида меҳмонлар устози Жамол Белмади қатнашди.

"Тошкентга ғалаба учун келган эдик. Жамоамнинг бугунги ўйинидан ва қўлга киритилган 3 очкодан хурсандман.

Рақибнинг заиф томонлар ҳақида гапириш менинг ишим эмас, бу ҳурматсизлик бўлар эди. Бугунги учрашувда кучли бўлганимиз ва омад биз томонга боққани туфайли ғалаба қозондик.

Очколарга эътибор берадиган бўлсак, "Зоб Аҳан" ва биз кейинги босқичга чиқамиз деб ўйлайман" - дейди "Лаҳвия" устози.

"Мураббий айтганидек бу учрашувда ғалаба қозониш учун келгандик. Режаларимиз амалга ошди. "Бунёдкор" иккинчи бўлимда гол уриш учун олдинга ўтиб кетишини билгандик ва режамиз иш берди" - дейди учрашувнинг энг яхши футболчиси Карим Будиаф.

Ҳавола :

Манба : championat.asia

Янгиликларни Телеграмда ўқинг!

Рейтинг: +2