Ихор Корсун: "Турнир давомида бизни қўллаб-қувватлаб турган ўзбекистонлик ва қозоғистонлик мухлисларга миннатдорчилик билдираман"

"Францияга қарши ўйинда ғалаба қозониб, бронза медалларини қўлга киритганимиздан хурсандман. Бу Украина учун тарихий натижа ҳисобланади. 

Учинчи ўрин учун ўйиндаги ғалаба қадрлироқми ёки финалдаги мағлубият? Қийин савол. Финалда иштирок этишни ҳам хоҳлардим, лекин бугун ғалаба қозонганимиздан кўпроқ хурсандман. 

Жаҳон чемпионатида барча ўйин қийин ўтди. Совриндорлар қаторидан ўрин олишимизда мухлисларимизнинг ўрни ҳам беқиёс. Қолаверса, турнир давомида бизни қўллаб-қувватлаб турган ўзбекистонлик ва қозоғистонлик томошабинларга ҳам миннатдорчилик билдираман", деди Корсун.

Эслатиб ўтамиз, Украина жаҳон чемпионатида бронза медалларини қўлга киритиб, ўз тарихидаги энг яхши натижасини қайд этди.

Оқил Абдубарноев суҳбатлашди.