UZ

Сўнгги янгиликлар

18:07"Нефтчи" бош менежери Грузия клуби академиясида бўлди  0 17:47Ўзбекистон U-16 терма жамоасининг CAFA U-17 мусобақасида қатнашадиган таркиби маълум  1 17:22Винисиус Жуниор футбол империясини кенгайтирди: "Реал" вингери Бразилиянинг "Атлетик" клубини сотиб олди  0 16:54"Тоттенхэм" футболчиси операция қилинди ва МЮ билан ўйинни ўтказиб юборади  0 16:26​Алонсо "Реал"га қайси футболчиларни олиб келмоқчи?  5 15:52Расман: "Андижон"ни икки мураббий тарк этди  1 15:29Аморим МЮ ходимларининг Европа Лигаси финалига сафари учун пул тўлади  4 15:01Сеск Фабрегас "Комо"да қолади: Клуб "Байер" ва бошқа даъвогарлар таклифини рад этди  1 14:20"Нефтчи" "Оқ-тепа"ни йирик ҳисобда мағлуб этиб, плей-оффга чиққан ўйиндан ГАЛЕРЕЯ  1 13:51Рафинья: "Олтин тўп" мақсад эмас, асосийси – жамоавий ғалабалар"  13 13:23U-23 Осиё Кубоги саралаш босқичига қачон қуръа ташланиши эълон қилинди  3 12:54Криштиану Роналдунинг ўғли Португалия терма жамоасида 7-рақам остида дебют қилди  4 12:30Марказий Осиё. "Қайрат" кубокни тарк этди, "Истиқлол" очко йўқотди, Туркманистонда эса 4 тур кейинги ўйинлар ўтказилди  1 11:59Гвардиола "Барселона" футболчисини Де Брюйнега ўринбосар деб билмоқда  7 11:37Бутун бир давр якуни: "Реал" тажрибали футболчиси жамоадан кетади  13

Иван Бошкович: «Жуда муҳим уч очкони қўлга киритдик» Янгиликлар

Иван Бошкович: «Жуда муҳим уч очкони қўлга киритдик»

«Сўғдиёна» – «Андижон» (1:0) учрашувидан кейинги матбуот анжуманида мезбонлар устози Иван Бошкович фикрлари билан ўртоқлашди.

- Биринчи навбатда айтмоқчиманки, жуда муҳим ғалабани қўлга киритдик. Нега? Чунки натижаларимиз сустлашиб кетганди. Одатда, бундай пайтда ўйинчиларнинг руҳияти ҳам яхши бўлмайди. Ўз навбатида бу ўйинга акс таъсир кўрсатмасдан қолмайди. Лекин, ўйлайманки, футболчиларимиз ўзларида куч топа олиб, бундай руҳий ўрадан чиқиб кета олмоқдалар. Айтишим керак, биринчи бўлим жуда яхши ўтди. Рақибга қанотлардан босим ўтказишга ҳаракат қилдик. Бироқ уринишларимиз ҳисобда акс этмади. «Андижон»нинг қарши ҳужумлари ҳам ёмон чиқмади. Бироқ уларга яққол голга тортадиган вазиятларни ҳавола қилмадик. Иккинчи бўлимда эса тажовузкорликка зўр бердик ва гол уришга эришдик. Тўғри, рақиб ҳам анойи эмасди. Иккинчи бўлимда бирин кетин иккала жамоа вазиятлар яратди. Бу ўйинда ким гол киритса, ўша жамоа ғалаба қозониши аниқ эди. Рақибдан ҳам қанотлардан бизга нисбатан босим бўлди. Шунга қарамай, бахтимизга бугун ҳимоячиларимиз ва дарвозабон яхши ўйин кўрсатишди. Энг асосийси, кичик ҳисобда бўлса ҳам жуда муҳим уч очкони қўлга кирита олдик. «Сўғдиёна» бугун намойиш этган ўйини билан ўзидаги курашчан руҳи сўнмаганлигини кўрсатиб берди. Бундан кейин ҳам шу руҳда давом этамиз ва ўз тамойилларимиздан воз кечмаймиз. Ўйлайманки, аста-секинлик билан мусобақа жадвалидаги мавқейимизни ҳам яхшилаб борамиз.

- Суҳроб Иззатов ярим ҳимоячи. Нега уни захирадан туширганда ўнг қанот ҳимояга эмас, ярим ҳимояга олдинга қўйдингиз. Бу нима билан боғлиқ?

- Бу машғулот жараёни билан боғлиқ. Ҳар бир рақибда бошқача режаси бўлади. Суҳроб тўлиқ тайёр эмас эди. Вазиятдан келиб чиқиб шундай хулосага келдик. Уни захирада ушлаганимиз тўғри бўлди. Иззатовни ярим ҳимояга туширганимни сабаби, рақибнинг қанотлари тезкор эди. Хондамир Мустафоқуловга уни алмаштирдик. У универсал, кўплаб позицияларни ёпишга ҳаракат қилдик. Майдоннинг ҳар жойда ҳаракатланди, кўплаб ўйинчиларни ҳар хил позицияда ўйнай олиши, бу жамоа учун фойдали.

Иккита асосий ҳужумчиларингиз бугун ўйнамади ва учинчи форвард ўйнади. Жоржевич ва Мавлонқуловга нима бўлган ва улар қачон сафга қайтишади?

- 6 тур ўтди, Жоржевичда жароҳат мавжуд. Яқинда машғулотларга қайтиши керак. Уни ўйнатиб, таваккал қилишни хоҳламаяпмиз. Тез орада тўлиқ куч билан қайтишига умид қиламан. Машғулотларда ҳам бир футболчини ҳаракатларини кўрмоқдамиз. Ким ўзини яхшироқ кўрсатса, ўша майдонга тушади. Шунинг учун ҳаммага имконият беряпмиз. Бизда кўплаб ёш иқтидорли ўйинчилар мавжуд, соғлом рақобат бор. Айни пайтда Ҳошимов яхши формада эди. Унга имконият бердик. Ҳамма ўйинчиларга ўйнаш имкониятини берамиз.

Рейтинг: +2   

Фикрлар

   
27 апр 10:43:44
Mahmud Ttww
Давралар оралиғида дарвозабон ва бошқа чизиқлардаги камчиликларни тўлдирмаса қийин бўлади Иванжон.
championat.asia
< сўнгги янгиликларни кўриш
Яндекс.Метрика