Ити финал чиптасини ғажиб ташлаган "Ньюкасл" мухлиси ёдингиздами? Клуб унга янги чипталар берди

Алан Керлинг исмли "Ньюкасл" мухлиси "Ливерпул"га қарши АПЛ баҳсидан қайтгач, эшикни очган ва ерда бурда-бурда қилиб ташланган Лига кубоги финал чиптасини кўрган. Чиптани почтачи ташлаб кетган. Аланнинг ярамас ити Руди эса чиптани бир уюм қоғозга айлантирганди. 

Шундан сўнг, Алан Керлинг итини 5 фунтга сотиши ҳақида ижтимоий тармоқларга ҳазил пост жойлаганди.

Шундан сўнг, Алан бўлган воқеани сўзлаб бериш учун "Ньюкасл" клубига юзланишга қарор қилади. Клуб ходимларидан бири эса ижтимоий тармоқлар орқали бу нарса аллақачон клубнинг қулоғига етиб борганлигини ва "Ньюкасл" мухлисга иккита янги чипта тайёрлаб қўйганини маълум қилади.

Шундай қилиб, ит ғажиб ташлаган чипта эгаларига инглиз клуби янги чипталарни тақдим қилди. Мухлис эса итини сотиш борасидаги пост ҳазил эканлиги ва агарда ростдан ҳам итини сотиш нияти бўлганда ҳам кучук бироз қимматроқ туришини маълум қилди. 

Маълумот учун, 26 февраль куни соат 21:30 "Манчестер Юнайтед" ва "Ньюкасл" ўртасида Лига кубоги финали бўлиб ўтади.    

"Ньюкасл" мухлиси Англия лига кубоги финал чиптасини ғажиб ташлаган итини сотувга қўйди