Италия терма жамоаси ярим ҳимоячиси жароҳат сабаб ёзда ўтказиладиган Евро-2024да иштирок этмайди
04 мар 21:59
Янгиликлар

Италия терма жамоаси ярим ҳимоячиси жароҳат сабаб ёзда ўтказиладиган Евро-2024да иштирок этмайди

Доменико Берарди жароҳат туфайли мавсумнинг қолган қисми ва Евро-2024ни ўтказиб юборади.

"Тонгда Доменико Берарди тиббий кўрикдан ўтказилди ва унинг ўнг оёғида жиддий жароҳат аниқланди. Сешанба куни уни операция кутиб турибди" - дейилади "Сассуоло" расмий баёнотида.

Шундай қилиб, 29 ёшли футболчи мавсумнинг қолган қисми ва Евро-2024ни ўтказиб юборади.

Эслатиб ўтамиз, ярим ҳимоячи яқинда жароҳатидан қутулиб, якшанба куни бўлиб ўтган "Верона"га қарши баҳсда иштирок этган эди. Клуб Берардисиз ўтган сўнгги 6та баҳснинг 5тасида мағлуб бўлди.

Берарди жорий мавсум А Сериянинг 17та баҳсида майдонга тушиб, 9та гол урди ва 3та голли пас берди.