Италия ФФ “Ювентус” хўжайинининг четлатилишини бекор қилди
19 дек 2017 01:06
Янгиликлар

Италия ФФ “Ювентус” хўжайинининг четлатилишини бекор қилди

Италия футбол федерацияси апелляцион инстанцияси “Ювентус” клуби томонидан берилган апелляцияни қисман қондирди.

Шу йилнинг сентябрь ойида “Ювентус” клуби президенти Андреа Аньелли бир йилга барча турдаги футбол фаолиятидан четлатилган эди. Аньелли чипталар сотувидаги махинацияда айбланганди.

Функционерга ўз лавозимига қайтиб, фаолиятини давом эттиришга рухсат берилди. Лекин Андреа бунинг учун 100 000 евро жарима тўлаши шарт. “Ювентус”нинг жаримаси эса 300 000 евродан 600 000 еврога оширилди.

Бундан ташқари туринликларнинг мухлислар клуби трибунаси 2018 йилнинг илк учрашуви учун ёпиб қўйилади. “Ювентус” 22 январь куни “Женоа”ни қабул қилади.

Ҳавола :

Янгиликларни Телеграмда ўқинг!

Рейтинг: +4