Тожикистоннинг "Истиқлол" клуби бу мавсум Осиё чемпионлар лигаси гуруҳ босқичида ўзини кўрсатиб, 1/8 финалга йўл олганидан хабарингиз бор. "Истиқлол" навбатдаги босқичда Эрон клуби "Персеполис" билан беллашади. Битта ўйиндан иборат баҳс 14 сентябрь куни Душанбеда бўлиб ўтади.
"Персеполис" Эрон чемпионатининг охирги турида "Пайкан"ни 2:0 ҳисобида мағлуб этиб, жами 67 очко жамғарган ҳолда кетма-кет бешинчи марта мамлакат чемпионлигини қўлга киритди. Иккинчи ўрин 65 очко билан "Сепахан"га насиб этган бўлса, учинчи ўринни 56 очко тўплаб Теҳроннинг бошқа бир жамоаси "Истиқлол" эгаллади.
