Гап шундаки, "Вильярреал" ва Испания термаси ҳимоячиси Пау Торрес Олимпиада доирасидаги Японияга қарши ўйинни асосий таркибда бошлади ва тўлиқ 120 дақиқа ўйнади.
Испаниялик бу орқали 2020/21 йилги мавсумда энг кўп вақтини майдонда ўтказган футболчи бўлди – 5513 дақиқа.
Эслатиб ўтамиз, испанияликлар Марко Асенсионинг 115-дақиқада урган голи эвазига финалга чиқишди ва энди ҳал қилувчи баҳсда Бразилия билан тўқнаш келишади.
Қўшимча қилиш жоиз, Торрес ушбу мавсумда "Вильярреал" билан жамоа тарихидаги ягона соврин – Европа Лигасини ҳам қўлга киритган эди.
