Испания. “Валенсия” меҳмонда “Лас-Пальмас”га ютқазди

“Валенсия” жамоаси меҳмонда “Лас-Пальмас” клуби меҳмони бўлди. Лас-Пальмас-де-Гран-Канария шаҳридаги “Гран Канария” стадионида ўтган ўйинда майдон эгалари 3:1 ҳисобида ғалаба қозонишди.

Гарчи “Валенсия” футболчиси Сантьяго Лоренсо учрашувдаги ҳисобни очишга муваффақ бўлсада, якунда ғалабани тантана қилиш “Лас‑Пальмас” футболчиларига насиб қилди.

Мезбонлар Лоренсонинг голига Хонатан Виера, Маурисио Лемоса ва Кевин-Принс Боатенгнинг аниқ зарбалари билан жавоб қайтаришди. 51-дақиқада ҳисоб 1:1 бўлиб турган бир пайтда Мунир Эл-Хаддади майдондан четлатилди.

“Лас-Пальмас” 20-турдан сўнг 28 очко билан турнир жадвалида 11-ўринга кўтарилиб олди. “Валенсия” эса 19 очко билан 15-поғонадан жой олган. “Кўршапалаклар” ҳисобида битта захира ўйини бор. 

Испания чемпионати. 20-тур

“Лас-Пальмас” – “Валенсия” 3:1 (1:1, 2:0)

“де Гран Канария” стадиони

Голлар: 0:1 – 21 Санти Мина, 1:1 – 42 Виера, 2:1 – 57 Лемос, 3:1 – 61 Боатенг

“Лас-Пальмас”: Варас, Маседо, Лемос, Бигас, Кастельяно, Гомес (Домингес, 65), Монторо, Меса, Момо (Халилович, 73), Боатенг, Виера (Ливая, 77).

“Валенсия”: Диего Алвес, Жоау Канселу, Гарай, Мангаля, Гайя, Солер (Монтойя, 87), Перес (Суарес, 46), Парехо, Мунир, Санти Мина, Нани (Дзадза, 67).

Огоҳлантиришлар: Нани (27), Перес (44), Мунир (48), Парехо (64), Меса (82).

Четлатиш: Мунир (51).