UZ

Сўнгги янгиликлар

12:06Далот МЮ Мбеумо ва Кунья билан шартнома имзолаганидан хурсанд, чунки у энди уларга қарши ўйнашга мажбур эмас  0 11:39МЮ АПЛ ва Бундеслига юлдузлари билан ҳужумни кучайтирмоқчи  0 11:15Ўзбекистон U-17 терма жамоаси Англия билан ўйнайди!  2 10:54"Челси" 19 ёшли футболчининг трансфери учун 43 миллион сарфлайди  1 10:23"Қўқон-1912" футболчиси Ироқ клуби билан шартнома имзолади  2 09:58Ўртоқлик учрашуви. МЮ АҚШда йирик ҳисобда ғалаба қозонди  2 09:27Нима? "Ал Насср" Россия чемпионатида тўп сураётган футболчига 70 миллион евро бермоқчи  4 08:58Пролига. "Олимпик" 7 нафар футболчи билан шартнома имзолади  1 08:30Аббосбек Файзуллаев янги жамоасида машғулотларни бошлаб юборди  11 08:25Лига Кубоги. "Интер Майами" ғалаба қозонди, Месси ўз ҳисобига иккита голли узатма ёздириб қўйди  6 08:01"Андижон" трансфернинг сўнггида яна икки нафар футболчи билан шартнома тузди  3 07:34"Навбаҳор" икки нафар "Олимпик"нинг собиқ футболчилари билан шартнома имзолади  1 03:15Равшан Эрматов билан дуч келган мундиалда майдонга тушиш учун пул тўлаган, "Атлетико Мадрид" либосини кийган ҳамда Арманистонда рекордлар қайд этган "Насаф"нинг янги легионери билан яқиндан танишамиз   2 00:40"Барселона" бош мураббийи Флик: "Рэшфордни кўп йиллардан бери кузатиб келаяпман"  3 00:16Куртуа фаолиятини якунлагандан сўнг пойгаларда қатнашиш истагини билдирди  1

Исломбек Исмоилов: "КХДР юксак жисмоний тайёргарликка эга жамоа" Янгиликлар

Исломбек Исмоилов: "КХДР юксак жисмоний тайёргарликка эга жамоа"

Ўзбекистон У-17 терма жамоаси бош мураббийи Исломбек Исмоилов ва жамоа футболчиси Садриддин Ҳасанов КХДРга қарши ўйин олдидан матбуот анжуманида иштирок этишди.

Исломбек Исмоилов:

— Рақибимиз бу босқичга қадар яхши ўйин намойиш этди. КХДР юксак жисмоний тайёргарликка эга жамоа. Ушбу жамоанинг турнирдаги ўйинларини таҳлил қилганимизда, 90 дақиқа давомида тинимсиз прессингда ишлаётганига гувоҳ бўлдик. Бир қанча тактик хатолар ҳам кузатилган, бироқ уларга қарши осон ўйин бўлмаслиги аниқ. Ўз имкониятларимиздан фойдаланиб, ғалаба қозонишга ҳаракат қиламиз.


Турнир давомида жамоа кўрсатаётган ўйин ва футболчилар мотивацияси ҳақида

— Мусобақа давомида кўрсатаётган ўйинимиз фақат мотивация самараси эмас, мураббийлар штаби ва жамоа шифокорлари катта ҳажмда меҳнат қилмоқда. Тоиф шаҳри денгиз сатҳидан деярли 1900 метр баландликда жойлашган. Бу ерда футбол ўйнаш осон эмас. Футболчилар доимий равишда интенсив ва юқори даражада ўйнай олишлари учун биринчи навбатда тўғри тайёргарлик муҳим ўрин тутади. Ҳар бир учрашувдан олдин ва кейин футболчиларимиз билан ҳам тактик, ҳам психологик суҳбатлар ўтказамиз. Эришаётган натижаларимиз жамоа меҳнати самарасидир.


Ҳар икки жамоа мусобақада кўп гол ураётгани ҳақида

— Икки ҳужумкор жамоа ўйинига гувоҳ бўламиз. Бизнинг ўз стратегиямиз ва танлаган йўлимиз бор. Мақсадимиз доим ҳужумкор футбол намойиш этиш. Ўз ҳимоямизни рақибнинг учинчи зонасида қуришга ҳаракат қиламиз. Бу шуни англатадики, жамоамиз доимий равишда юқори прессингда ҳаракат қилади. Биз йиллар давомида айнан шу услуб учун ҳаракат қилдик. Ҳар қандай рақибга қарши ўйин услубимизни ўзгартирмаймиз. Тўғри, ўйиннинг боришига қараб футболчиларнинг майдондаги ҳаракатларига бироз ўзгартиришлар киритишимиз мумкин. Лекин асосий ғоямиз ўзгармайди. Шу билан бирга, рақибнинг кучли ҳужум чизиғини тўхтатишга ва ўзлари учун қулай услубда ҳаракат қила олмаслиги учун ҳаракат қиламиз.


Садриддин Ҳасанов:

— Эртага КХДР жамоасига қарши ўйин ўтказамиз. Учрашувга юз фоиз тайёрмиз. Насиб қилса, олдимизга қўйган мақсадларимиз йўлида ҳеч бир жамоа тўсиқинлик қила олмайди. Мураббийларимиз кўрсатмаси билан ҳар бир учрашувда боримизни берамиз ва ўзимизга юклатилган вазифаларни мукаммал тарзда бажаришга ҳаракат қиламиз.

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика