Ислом Тўхтахўжаев: “Боруссия”га қарши ўйинда ғалабага бўлган иштиёқ туфайли ютдик”

- Австрия йиғини давомида асосан нималарга эътибор қаратиляпти?
- Австрия йиғини давомида ҳар икки кунда ўртоқлик ўйинлари ўтказиш режалаштирилган. Шунинг учун бўлса керак, йиғин орқали мураббийимиз жисмоний тайёргарлигимизни яхшилашга катта эътибор қаратяпмиз. Машғулотлар қизиқарли ўтяпти. Таркибга янги келганлар ҳам жамоа машғулотларида астойдил ҳаракат қилишмоқда.

- Йиғин давомида иккита ўртоқлик учрашуви ўтказдинглар. Шу ҳақида фикрлариз қандай?
- Ҳа тўғри. Биз ҳозирча икки жамоага қарши майдонга тушдик. Шулардан дастлабкиси Чехиянинг ''Бюрн'' жамоаси бўлди. ''Бюрн''га қарши баҳсда жамоамиз яхши ҳаракатланди деб ўйлайман. Лекин ўйин дуранг натижа билан якунланди.

Иккинчи беллашувда "Боруссия" Дортмунд ёшларига қарши майдонга тушдик. Бу ўйинда ғалабага бўлган иштиёқ туфайли ғалаба қозондик деб ўйлайман. Шуни айтиб ўтардимки, бу баҳсларда ютуқ ҳеч қандай аҳамият касб этмайди. Ушбу ўйинлар орқали мураббий янги ўйинчиларни кўздан кечириб олишга ҳаракат қилади.

Комилжон Икромов суҳбатлашди.