Исабоев ва Рекун машғулотларда қатнашишди

Мазкур йиғин давомида таркибда бир қатор янги ўйинчилар синовдан ўтказилди. Йиғиннинг сўнгги кунларида таркибда яна иккита футболчи пайдо бўлди. Машғулотларда дарвозабон Элдор Исабоев ва ярим ҳимоячи Сергей Рекун иштирок этишди. “Нефтчи”нинг собиқ посбони саналган Исабоев бунгача “Локомотив” сафида шуғулланиб жамоа билан шартнома ҳам имзолаб бўлганди. Аммо “Локо”даги ўзгаришлар натижасида Исабоев жамоадан кетишга қарор қилди. “Пахтакор”га тегишли бўлган Сергей Рекунни жамоа бу йил ҳам ижирага беришни лозим топмоқда. Ёдингизда ўлса, Рекун ўтган йили ижара асосида “Гулистон”да тўп сурганди.

Бу футболчилар бугун “Нефтчи” ўринбосарларига қарши кечган назорат учрашувида майдонга тушишди. Лекин улар ўзларини кўрсата олди дейиш қийин. Шу боис Исабоев ва Рекуннинг тақдири ҳали номаълум. Эслатиб ўтамиз, “Андижон” жамоасининг Тошкентдаги учинчи йиғини 24 февраль куни бошланади.