Ироқлик журналист: "Равшан Эрматов яхши ҳакам, бунга шубҳа йўқ"

Эслатиб ўтамиз, Эрон - Ироқ учрашувини Равшан Эрматов бригадаси бошқаради.

"Эртанги ўйин жуда қийин бўлади, чунки Эрон терма жамоаси Осиёнинг энг яхшиларидан бири ҳисобланади. Аммо ироқликлар ушбу баҳсга тайёр.

Бу учрашувни Равшан Эрматов бошқаради. У яхши ҳакам, бунга шубҳа йўқ. Аммо Эронга қарши бўладиган баҳсда ҳаммаси ўзимизга боғлиқ бўлади. Қандай ўйин кўрсатсак шунга яраша натижа бўлади. Ироқ ва Эрон азалий рақиб эканлигини яхши биласиз. Мухлислар терма жамоадан фақат ғалабани талаб қилади. Бу ўйинда эронликларни таслим қилиш биз учун жуда муҳим.

Ироқ бош мураббийи Сречко Катанец ҳақида маҳаллий журналистларнинг фикри ижобий. Мутахассисга вақт керак. У яқинда терма жамоага келди. Катанец биз Осиё Кубогида чемпион бўламиз дегани йўқ, у кўпроқ жамоанинг ўйини кучайтириш, мусобақада яхши иштирок этиш ҳақида ўйлаяпти" - дейди Маҳер Ҳассан Суваед.

Нарзулла Сайдуллаев суҳбатлашди